மாலை நேர டிபன் கோதுமை ஸ்வீட் போண்டா செய்வது எப்படி?

மாலை நேர டிபன் கோதுமை ஸ்வீட் போண்டா செய்வது எப்படி?

தேவையான பொருட்கள்: 

கோதுமை மாவு - 1 கப் 
வெல்லம் - 1/2 கப் 
வாழைப்பழம் - 1
ஏலக்காய் - 2
ரவை - ஒரு கைப்பிடி
பேக்கிங் சோடா - 1 சிட்டிகை 
உப்பு - 1 சிட்டிகை 
எண்ணெய் - தேவையான அளவு

செய்முறை : 

வாழைப்பழம் தோல் நீக்கி மிக்சியில் போட்டு அதனுடன் வெல்லம், ஏலக்காய் போட்டு அரைத்து கொள்ளவும்.

அரைத்த வாழைப்பழ விழுதை ஒரு பாத்திரத்தில் போட்டு அதனுடன் கோதுமை மாவு, ரவை, பேக்கிங் சோடா, 1 சிட்டிகை உப்பு சேர்த்து நன்றாக கரைத்து கொள்ளவும்.

மாவு கையில் எடுக்கும் பதத்தில் கரைத்து கொள்ளவும்.

கடாயை அடுப்பில் வைத்து எண்ணெய் ஊற்றி சூடானதும் மாவை எடுத்து போண்டா போல் போடவும். ஒருபுறம் வெந்ததும் மறுபுறம் திருப்பி போட்டு வேக வைத்து எடுக்கவும். 

சுவையான கோதுமை ஸ்வீட் போண்டா ரெடி