இர்மாவின் தாக்குதலுக்கு பின் இயல்பு நிலைக்கு திரும்பும் புளோரிடா

இர்மாவின் தாக்குதலுக்கு பின் இயல்பு நிலைக்கு திரும்பும் புளோரிடா

இதுவரை புளோரிடாவில் இர்மா புயலுக்கு 12 பேர் பலியாகியுள்ளனர்.மணிக்கு 210 கிலோமீட்டர் வேகத்துக்கு வீசிய இர்மா சூறாவளி திங்கட்கிழமை மதியம் புளோரிடாவைக் கடந்தது சென்றது. ஜார்ஜியாவை நோக்கி பயணப்பட்டு அங்கும் ஏராளமான சேதங்களை இர்மா ஏற்படுத்தியது.புளோரிடாவில்  சுமார் 25% வீடுகள்  இர்மா சூறாவளியால் சேதப்படுத்தப்பட்டுள்ளது.மீட்புப் படையினர் தொடர்ந்து புளோரிடாவில் இர்மா சூறாவளி பாதித்த பகுதிகளில் மீட்புப் பணியில் ஈடுபட்டு வருகின்றனர்.பல்வேறு இடங்களில் தொலைபேசி ஒயர்கள் மற்றும் மின்சார கம்பங்கள் சாய்ந்துள்ளதால் அதனை சரி செய்ய சில நாட்கள் தேவைப்படும் என்று அதிகாரிகள் தரப்பில் தெரிவிக்கப்பட்டுள்ளது.புளோரிடாவில் பல பகுதிகள் இயல்பு நிலைக்கு திரும்பியுள்ளன. விமானப் போக்குவரத்து தொடங்கப்பட்டுள்ளது.